شاہ رخ خان، ایشوریا اور ابھیشیک کا گانے ’دیوانگی دیوانگی‘ پر زبردست ڈانس

ایشوریا اور ابھیشیک نے پروگرام کے لیے سیاہ لباس کو ترجیح دی۔ ایشوریا نے ایک خوبصورت سیاہ شلوار سوٹ پہنا جبکہ ابھیشیک سیاہ ہوڈی اور پینٹ میں نظر آئے۔ ان کے ساتھ امیتابھ بچن بھی موجود تھے، جو سرمئی پینٹ سوٹ میں جاذب نظر لگ رہے تھے۔

پروگرام کے اختتام پر والدین اور طلباء کے لیے ایک اوپن اسٹیج کا انتظام کیا گیا، جہاں ایشوریا اور ابھیشیک بچن نے طلباء کے ساتھ ’دیوانگی دیوانگی‘ کے تیز دھڑکنوں پر شاندار رقص کیا۔

سوشل میڈیا پر وائرل ہونے والی ویڈیوز میں شاہ رخ خان، ان کے بیٹے ابرام اور بیٹی سہانا خان کو بھی جوش و خروش سے رقص کرتے دیکھا جا سکتا ہے۔