تیسرے ون ڈے انٹرنیشنل میچ میں پاکستان کی جنوبی افریقا کے خلاف بیٹنگ جاری ہے اور صائم ایوب نے بہترین بلے بازی کرتے ہوئے 54 گیندوں پر نصف سنچری مکمل کرلی۔
دونوں ٹیموں کے درمیان تین ایک روزہ میچز کی سیریز کا آج آخری میچ جوہانسبرگ میں کھیلا جارہا ہے۔
جنوبی افریقا کے کپتان ٹیمبا بووما نے ٹاس جیت کر پہلے فیلڈنگ کا فیصلہ کیا ہے۔ بارش کے باعث ہر اننگز کو 47 اوور تک محدود کیا گیا ہے۔
پاکستان نے بیٹنگ کا آغاز کیا تو عبداللہ شفیق بغیر کوئی رن بنائے 1 کے مجموعی اسکور پر پویلین لوٹ گئے، پھر صائم ایوب اور بابر اعظم نے ذمہ دارانہ بیٹنگ کرتے ہوئے اسکور کو بڑھایا۔
صائم ایوب نے 16 اوور میں 54 گیندوں پر 1 چھکے اور 7 چوکوں کی مدد سے نصف سنچری اسکور کی۔
پاکستان کو جنوبی افریقا کے خلاف سیریز میں 0-2 کی فیصلہ کن برتری حاصل ہے۔