پاکستان شوبز کے اداکار اور رئیلٹی شو تماشا کے معروف کنٹسٹنٹ عمر عالم نے دوران پرواز اپنی خاص دوست کو شادی کی پیشکش کردی۔
عمر عالم کو ایک خاتون کے ہمراہ ایک نجی فلائٹ میں دیکھا گیا جہاں انہوں نے فلائٹ کے عملے کے تعاوم سے تمام مسافروں کے سامنے اسے پروپوز کیا۔
خاتون سے محبت کا اظہار کرتے عمر عالم نے کہا کہ جب محبت کے اظہار کی بات آتی ہے تو انہیں شرمیلا انسان سمجھا جاتا ہے لیکن پھر بھی وہ اس لمحے کو اپنی ہونے والی بیوی کے لیے خاص بنانا چاہیں گے اور اسے پرپوز کریں گے۔
ویڈیو میں دیکھا جاسکتا ہے کہ عمر اپنی محبت کا اعتراف کرتے ہوئے گھٹنوں کے بل بیٹھ کر انگوٹھی پیش کرتے ہوئے خاتون کو شادی کی پیشکش کر رہے ہیں جس کو وہ قبول کرتے ہوئے شادی کیلئے ہاں کہہ دیتی ہیں۔
تاہم سوشل میڈیا صارفین کی جانب سے عمر عالم کو جہاز میں اپنی منگیتر کو پروپوز کرنے پر تنقید کا نشانہ بنا رہے ہیں ان کا کہنا ہے کہ یہ ایک قابل قدر شو تھا تاہم فلائٹ مسافروں کے لیے بالکل غیر ضروری تھا۔
کچھ لوگوں نے دعویٰ کیا کہ یہ ایک پبلسٹی اسٹنٹ تھا جس کا منصوبہ فلائی جناح نے اپنی ایئر لائن کی تشہیر کے لیے کیا تھا۔ جبکہ کچھ لوگوں نے دلیل دی کہ عمر عالم اپنی منگیتر کے ساتھ سفر کرکے اسلامی ریاست میں غلط مثال قائم کر رہا ہے۔
کچھ سوشل میڈیا صارفین نے عمر عالم کے اسٹارڈم پر بھی سوال اٹھایا اور کہا کہ پاکستان میں مغربی کلچر کو پروموٹ کیا جارہا ہے اور یہ اس اداکار کا عوام کی توجہ سمیٹنے کیلئے ایک طریقہ ہے۔