مریم نفیس اور سوشل میڈیا صارفین میں لفظی جنگ چھڑ گئی
اداکارہ کو حمل کے دوران سیر سپاٹے اور فوٹوشوٹ پر تنقید کا نشانہ بنایا جا رہا ہے
پاکستان شوبز کی اداکارہ مریم نفیس ایک مرتبہ پھر سوشل میڈیا صارفین کی تنقید کا سامنا کر رہی ہیں اور ان کی صارفین کے ساتھ سوشل میڈیا پر لفظی جنگ جاری ہے۔
حال ہی میں اداکارہ مریم نفیس نے مداحوں کو انسٹاگرام پر تصاویر شیئر کرتے ہوئے خوشخبری سُنائی تھی کہ ان کے ہاں جلد پہلے بچے کی پیدائش متوقع ہے۔
انسٹاگرام پر ایکٹیو رہنے والی اداکارہ نے اب لندن سے کرسمس کی تیاریوں کی تصاویر شیئر کی ہیں جس میں انہوں نے کالے رنگ کا مغربی لباس زیب تن کیا ہوا ہے جس کے ساتھ سنہرے رنگ کی اونچی سینڈل بھی پہن رکھی ہے تاہم سوشل میڈیا صارفین کو اداکارہ کا یہ انداز نہ بھایا اور انہیں ٹرول کرنا شروع کردیا۔