بھارت کی ٹینس آئیکون ثانیہ مرزا اور کرکٹر محمد شامی ایک بار پھر افواہوں کی زد میں آگئے۔
سوشل میڈیا پر تصاویر وائرل ہونے کے بعد دونوں کے درمیان تعلقات اور شادی کی قیاس آرائیوں نے ایک بار پھر زور پکڑ لیا، ان تصاویر میں وہ دونوں بظاہر ایک ساتھ خوشگوار موڈ میں نظر آرہے ہیں۔
فیس بک اور انسٹاگرام پر بڑے پیمانے پر شیئر ہونے والی ان تصاویر پر کافی چہ مگوئیوں ہورہی ہیں اور کچھ صارفین نے یہ دعویٰ بھی کیا کہ ثانیہ مرزا اور محمد شامی رشتہ میں ہیں یا شادی کرنے کا ارادہ رکھتے ہیں۔
مزید پڑھیں: بھارتی باؤلر کیساتھ شادی ثانیہ مرزا کے والد کا بیان سامنے آگیا
یہ افواہیں اس وقت مزید بڑھیں جب اپنے بیٹے کے ساتھ دبئی میں مقیم ثانیہ مرزا نے حال ہی میں ایک تقریب کے لیے بھارت کا دورہ کیا جس کا تعلق محمد شامی کی انجری سے صحتیاب ہونے کے بعد ڈومیسٹک کرکٹ میں واپسی سے تھا۔
یہ افواہویں بھی گردش میں ہیں کہ دونوں نے دبئی میں ایک ساتھ وقت گزارا تھا تاہم ایکسپریس نیوز نے جب وائرل تصاویر کی تحقیقات کیں تو معلوم ہوا ہے کہ یہ AI سے تیار کی گئی جعلی تصاویر ہیں۔
مزید برآں نہ تو ثانیہ مرزا اور نہ ہی محمد شامی نے ان افواہوں پر کوئی بیان دیا ہے بلکہ دونوں کھلاڑی اپنے اپنے کیریئر میں مصروف ہیں، ثانیہ مرزا ابوظہبی میں ورلڈ ٹینس لیگ کی نشریات میں شریک ہیں جبکہ شامی ڈومیسٹک کرکٹ ٹورنامنٹس میں حصہ لے رہے ہیں۔
مزید پڑھیں: ثانیہ مرزا دوسری شادی کس کرکٹر سے کرنے والی ہیں افواہیں گرم
یہ دعویٰ کہ ثانیہ مرزا اور محمد شامی رشتہ میں ہیں یا شادی کرنے کا ارادہ رکھتے ہیں مکمل بے بنیاد اور سوشل میڈیا کی قیاس آرائیوں پر مبنی ہے۔ مداحوں کو مشورہ دیا جاتا ہے کہ وہ حقائق کی جانچ کریں اور سوشل میڈیا پر غیر تصدیق شدہ خبریں پھیلانے سے گریز کریں۔
یاد رہے کہ سابق پاکستانی کرکٹر شعیب ملک اور بھارتی ٹینس اسٹار ثانیہ مرزا نے 2010 میں شادی کی تھی لیکن رواں سال دونوں کی علیحدگی ہوگئی تھی، ثانیہ اور شعیب کی علیحدگی کے بعد بھی محمد شامی اور ثانیہ مرزا کے درمیان تعلقات کی افواہیں سامنے آئی تھیں جن کی ثانیہ مرزا کے والد نے سختی سے تردید کی تھی۔