پاکستانی شوبز انڈسٹری کے 2024 میں بچھڑنے والے بڑے نام: مکمل فہرست!

سال 2024 پاکستانی شوبز انڈسٹری کے لیے ایک غمگین سال ثابت ہوا، جس میں کئی نامور فنکار دنیا سے رخصت ہو گئے۔ یہ تمام فنکار اپنے اپنے شعبوں میں نمایاں خدمات انجام دیتے ہوئے پاکستان کا نام روشن کر چکے تھے۔

• خالد بٹ: سینئر اداکار خالد بٹ، جنہوں نے پی ٹی وی کے ساتھ کیریئر کا آغاز کیا، 11 جنوری کو طویل بیماری کے بعد انتقال کر گئے۔
• الطاف حسین: معروف فلم ڈائریکٹر الطاف حسین، جنہوں نے 80 سے زائد فلموں کی ہدایتکاری کی، 16 ستمبر کو دنیا سے رخصت ہو گئے۔
• استاد طافو: مشہور موسیقار استاد طافو 26 اکتوبر کو انتقال کر گئے۔ ان کا گانا "سن سے بلوری اکھ والیاں" آج بھی مقبول ہے۔
• عابد کشمیری: معروف تھیٹر، ٹی وی اور فلمی اداکار عابد کشمیری اکتوبر 2024 میں انتقال کر گئے۔
• راشد ڈار: پی ٹی وی کے سنہرے دور کے ہدایتکار راشد ڈار 20 مارچ کو کینسر کے باعث انتقال کر گئے۔
• طلعت حسین: سینئر اداکار طلعت حسین 26 مئی کو کراچی میں انتقال کر گئے۔ ان کی خدمات کے اعتراف میں انہیں پرائیڈ آف پرفارمنس اور ستارہ امتیاز دیا گیا تھا۔
• تسکین ظفر: پی ٹی وی کی مشہور نیوز کاسٹر تسکین ظفر جون 2024 میں انتقال کر گئیں۔
• سردار کمال: مشہور مزاحیہ اداکار سردار کمال 52 سال کی عمر میں جولائی 2024 میں دل کا دورہ پڑنے سے انتقال کر گئے۔
• مظہر علی: سینئر اداکار مظہر علی اکتوبر 2024 میں پھیپھڑوں اور دل کی بیماری کے باعث انتقال کر گئے۔
• شبیر مرزا: ٹی وی ڈرامہ گیسٹ ہاؤس سے شہرت پانے والے شبیر مرزا ستمبر 2024 میں کینسر کے باعث انتقال کر گئے۔
• یحییٰ صدیقی: اداکارہ شگفتہ اعجاز کے شوہر یحییٰ صدیقی ستمبر 2024 میں کینسر سے طویل جنگ کے بعد انتقال کر گئے۔