صائم کا انڈر-15 ٹیم کی نمائندگی کے وقت دیا گیا انٹرویو وائرل

دورہ جنوبی افریقا اور آسٹریلیا میں اپنی شاندار پرفارمنس سے دھاک بٹھانے والے نوجوان اوپنر صائم ایوب کا بھارت میں منعقدہ انڈر 15 کرکٹ ٹورنامنٹ میں جیت کے بعد دیا گیا پہلا انٹرویو سوشل میڈیا پر وائرل ہوگیا۔

ایکسپریس انٹرٹینمنٹ پر جویریہ سعود کی میزبانی میں صائم ایوب نے انڈر-15 کرکٹ کیرئیر کے ابتدائی دنوں میں جیت کے بعد مارننگ شو میں ٹیم کے ہمراہ شرکت کی تھی۔

بھارت میں شیڈول انڈر 15 ٹورنامنٹ میں بحرین اور پاکستان کے علاوہ ہندوستان کی 10 ریاستوں کی ٹیمیں شامل تھیں۔ چنئی میں منعقدہ اس ایونٹ میں پاکستان نے میزبان ٹیم کو شکست دے کر فتح حاصل کی تھی۔ 

مزید پڑھیں: جنوبی افریقہ کیخلاف شاندار کارکردگی، بابراعظم نے اوپنر صائم ایوب کو ’چیتا‘، قرار دے دیا

صائم ایوب نے پورے ٹورنامنٹ میں ایک اہم کردار ادا کیا، انہوں نے پانچ میچوں میں 250 رنز بنائے، جس میں 80 کا ٹاپ اسکور بھی شامل تھا۔  

اس ٹیم میں صائم ایوب کے علاوہ نوجوان کرکٹر خواجہ نافع بھی موجود تھے جنہوں نے پاکستان سپر لیگ کے گزشتہ ایڈیشن میں کوئٹہ گلیڈی ایٹرز کی نمائندگی کی تھی۔

مزید پڑھیں: گرین شرٹس نے نئی تاریخ رقم کر دی، پروٹیز پہلی مرتبہ ون ڈے سیریز میں وائٹ واش

انٹرویو کے دوران میزبان جویریہ سعود نے ان نوجوان کھلاڑیوں کی صلاحیتوں پر روشنی ڈالی تھی جبکہ شوبز انڈسٹری کے  نامور اداکار اعزاز اسلم نے پیشگوئی کی تھی کہ "ان میں سے بہت سے پلئیرز پاکستان کیلئے کھیلیں گے اور مستقبل میں پاکستان کی نمائندگی کریں گے۔