مقبوضہ کشمیر میں بھارتی فوج کی گاڑی گہری کھائی میں گر کر تباہ ہوگئی۔
بھارتی میڈیا کے مطابق یہ حادثہ مقبوضہ کشمیر کے ضلع پونچھ میں لائن آف کنٹرول کے نزدیک پیش آیا۔
حادثے کی اطلاع ملتے ہیں کوئیک ریسپانس فورس اور مقامی پولیس اہلکار ریسکیو آپریشن کے لیے پہنچ گئے۔
ریسکیو آپریشن کے دوران کھائی سے 5 فوجیوں کی لاشیں نکالی گئی ہیں جب کہ دیگر 5 اہلکاروں کو شدید زخمی حالت میں اسپتال منتقل کیا گیا ہے۔
دو اہلکاروں کی حالت نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔ ہلاک اور زخمی ہونے والوں کی شناخت ظاہر نہیں کی گئی۔
حادثے کا شکار ہونے والی گاڑی 11- مراٹھا لائٹ انفنٹری کے اہلکاروں کو لے نیلم میں واقع ہیڈ کوارٹر سے لے کر بالنوئی گوہرہ پوسٹ جا رہی تھی۔
بھارتی فوج کے ترجمان کا کہنا ہے کہ گاڑی ایک موڑ کاٹتے ہوئے ڈرائیور سے بے قابو ہوکر 150 فٹ گہری کھائی میں جا گری تھی۔
بھارتی فوج کے ترجمان نے اس واقعے میں دہشت گردی کے عنصر کے ملوث ہونے کے امکان کو مسترد کردیا تاہم واقعے کی تحقیقات کے لیے انکوائری کمیٹی تشکیل دیدی گئی۔