موٹروے ایم 4 اور ایم 5 دھند کے باعث بند، شہریوں کو احتیاطی تدابیر اختیار کرنے کی ہدایت

موٹروے پولیس نے آج بتایا کہ شدید دھند کی وجہ سے موٹروے ایم 4 شور کوٹ سے ملتان اور موٹروے ایم 5 ملتان سے روہڑی تک بند کر دی گئی ہیں۔

ترجمان موٹروے پولیس سید عمران احمد کے مطابق، موٹرویز کو عوام کی حفاظت اور محفوظ سفر کو یقینی بنانے کے لیے بند کیا گیا ہے۔

ترجمان موٹروے پولیس نے شہریوں کو مشورہ دیا ہے کہ وہ زیادہ سے زیادہ دن کے اوقات میں سفر کرنے کو ترجیح دیں، خاص طور پر صبح 10 بجے سے شام 6 بجے تک، جب دھند کی شدت کم ہو جاتی ہے۔

انہوں نے مزید کہا کہ ڈرائیور حضرات کو اپنی گاڑیوں میں آگے اور پیچھے دھند والی فوگ لائٹس کا استعمال کرنا چاہیے تاکہ راستہ واضح رہے۔

موٹروے پولیس کے ترجمان نے عوام سے غیر ضروری سفر سے گریز کرنے کی درخواست بھی کی ہے اور تیز رفتاری سے پرہیز کرتے ہوئے اگلی گاڑی سے مناسب فاصلہ رکھنے کی اہمیت پر زور دیا ہے۔

دھند کی شدت اور موٹروے کی صورتحال کے بارے میں مزید معلومات اور مدد کے لیے ہیلپ لائن 130 سے رابطہ کیا جا سکتا ہے۔

ترجمان موٹروے پولیس سید عمران حمد نے شہریوں کو مزید احتیاطی تدابیر اختیار کرنے کی تاکید کی ہے تاکہ حادثات سے بچا جا سکے اور محفوظ سفر کو یقینی بنایا جا سکے۔