لاہور میں پولیس یونیفارم میں ملبوس نوسرباز شہری سے 30 ہزار روپے لے کر فرار ہو گئے۔
پولیس کے مطابق لاہور کے علاقے ڈیفنس میں پولیس یونیفارم میں ملبوس 2 نامعلوم موٹرسائیکل سواروں نے شہری عثمان عبداللہ سے نوسربازی سے 30 ہزار روپے چھینے اور فرار ہوگئے۔
ایس پی کینٹ اویس شفیق کے مطابق متاثرہ شہری عثمان عبداللہ کی مدعیت میں پولیس یونیفارم میں ملبوس نوسربازوں کے خلاف مقدمہ درج کرلیا گیا۔ ملزمان کی سی سی ٹی وی فوٹیج اور دیگر ذرائع سے تلاش جاری ہے۔ ملزمان کو جلد گرفتار کرلیا جائےگا۔ شہری کا موقف ہے کہ اہلکاروں نے ڈرا دھمکا کر رقم ہتھیا لی۔