اسکویڈ گیم سیزن 2 مداحوں کے دل جیتنے میں کامیاب

تاہم اسکوئڈ گیم سیزن 2 دیکھنے کے لیے کئی وجوہات موجود ہیں، خاص طور پر ان ناظرین کے لیے جو ابھی تک اس شو سے واقف نہیں کیونکہ یہ سیزن دنیا کی طبقاتی تقسیم، مالیاتی مسائل اور طاقت کے استحصال جیسے موضوعات پر روشنی ڈالتا ہے۔

شائقین کے لیے یہ ایک منفرد تجربہ ہے، جہاں بچوں کے کھیلوں کے ذریعے سماجی ناہمواریوں کو اجاگر کیا گیا ہے۔ ’اسکویڈ گیم‘ کا یہ نیا سیزن کامیابی کے قریب ترین ہے اور ناظرین اسے بےحد پسند کر رہے ہیں۔

دوسرے سیزن کی ریلیز کے ساتھ ہی میکرز نے اسکوئڈ گیم کے تیسرے سیزن کا اعلان بھی کردیا ہے اور دعویٰ کیا ہے کہ تیسرا سیزن زیادہ سنسی خیز اور شاندار ہوگا کیونکہ یہ ممکنہ طور پر اس سیریز کا آخری سیزن ہوگا۔

 ایک  انٹرویو میں انہوں نے ایک نئے دیو قامت گڑیا کردار، چول سو، کے بارے میں انکشاف کیا۔ یہ کردار مشہور گڑیا ’یونگ ہی‘ کی طرح ہوگا اور اس کا تعارف تیسرے سیزن میں کرایا جائے گا۔ ڈونگ ہائک نے کہا، ’چول سو نہ صرف نیا کردار ہے بلکہ یہ تیسرے سیزن کے سب سے دلچسپ گیم کی بھی جھلک فراہم کرتا ہے‘۔

مزید تفصیلات ظاہر نہ کرتے ہوئے انہوں نے ناظرین کو تیسرے سیزن کے لیے پرجوش رہنے کی امید دلائی جبکہ یہ بھی بتایا کہ اگلے سیزن کیلئے انہیں زیادہ لمبا عرصہ انتظار نہیں کرنا پڑے گا کیونکہ اسے 2025 میں ریلیز کردیا جائے گا۔ 

یاد رہے کہ اسکوئڈ گیم سیزن 2، 26 دسمبر کو ریلیز ہوا ہے جس میں اداکار لی جنگ جے (گی ہن، پلیئر 456)، لی بیونگ ہن، وی ہا جون اور جو یوری نے بہترین اداکاری کے جوہر دکھائے ہیں۔