بنگلادیش پریمئیر لیگ (بی پی ایل) میں شرکت کیلئے قومی ٹیم کے فاسٹ بولر شاہین شاہ آفریدی ڈھاکا پہنچ گئے۔
فاسٹ بولر بنگلادیش پریمیئر لیگ (بی پی ایل) میں فارچون باریشال کی نمائندگی کریں گے، انکے علاوہ فہیم اشرف، جہانداد خان اور محمد علی بھی اسی فرنچائز کا حصہ ہیں۔
دفاعی چیمپیئن فارچون باریشال نے 24 سالہ پاکستانی کرکٹر کو براہ راست اسکواڈ کا حصہ بنالیا ہے۔
ٹورنامنٹ کا آغاز 30 دسمبر سے ہوگا جبکہ ایونٹ 7 فروری تک جاری رہے گا تاہم فاسٹ بولر شاہین شاہ آفریدی چند میچز میں شرکت کرسکیں گے۔
مزید پڑھیں: بنگلادیش پریمیئر لیگ؛ شاہین کس ٹیم کی نمائندگی کریں گے؟
پی سی بی کی جانب سے شاہین آفریدی کو 15 جنوری 2025 تک نو آبجیکشن سرٹیفکیٹ (این او سی) دیا تھا۔
مزید پڑھیں: سلیکٹر کی ''حکم عدولی'' شاہین کو مہنگی پڑگئی
واضح رہے کہ فاسٹ بولر شاہین آفریدی کو جنوبی افریقہ کے خلاف ٹیسٹ سیریز میں آرام دیا گیا تھا۔
