دُھند کے باعث موٹر ویے کے مختلف سیکشنز بند، شہریوں کو غیر ضروری سفر سے گریز کی ہدایت

شدید دُھند کے باعث موٹر وے کے مختلف سیکشنز اور انٹرچینجز کو ٹریفک کے لیے بند کر دیا گیا ہے.

موٹر وے پولیس کے ترجمان کے مطابق موٹر وے ایم 5 کے سیکٹر ون میں واقع تمام انٹرچینجز کو ٹریفک کے لیے بند کر دیا گیا ہے۔

شیر شاہ انٹرچینج ملتان سے ظاہر پیر انٹرچینج تک بھی ٹریفک کی روانی روک دی گئی ہے۔

علاوہ ازیں موٹر وے ایم 5 کے سیکٹر ٹو میں رحیم یار خان سے روہڑی انٹرچینج تک بھی دُھند کے باعث ٹریفک کے لیے بند کر دیا گیا ہے۔

ترجمان نے شہریوں کو ہدایت دی ہے کہ وہ دُھند کے موسم میں غیر ضروری سفر کرنے سے گریز کریں تاکہ کسی بھی قسم کی ناخوشگوار صورتحال سے بچا جا سکے۔

موٹر وے ایم 4 اور ایم 11 کو دھند کے باعث بند کر دیا گیا ہے۔ لاہور سے عبدالحکیم تک موٹر وے ایم 4 اور لاہور سیالکوٹ موٹر وے ایم 11 کو شدید دھند کے باعث بند کر دیا گیا ہے۔

موٹر وے پولیس نے عوام سے درخواست کی ہے کہ وہ غیر ضروری سفر کرنے سے بچیں اور موجودہ موسم کے دوران احتیاطی تدابیر اختیار کریں تاکہ کسی قسم کی جانی و مالی نقصان سے بچا جا سکے۔

اس کے علاوہ، شہریوں کو ہدایت دی گئی ہے کہ وہ اپنی گاڑیوں میں فوگ ہیڈلائٹس کا استعمال کریں اور محدود فاصلے تک سفر کریں تاکہ اپنی حفاظت کو یقینی بنایا جا سکے۔