راحت فتح علی خان کی بھارتی کرکٹر دھونی سے ملاقات کی ویڈیو وائرل
گلوکار کی دھونی سے ملاقات کی ویڈیو ان کے آفیشل انسٹاگرام اکاؤنٹ پر پوسٹ کی گئی ہے
پاکستان کے معروف گلوکار راحت فتح علی خان نے اپنے انسٹاگرام اکاؤنٹ پر سابق بھارتی کپتان ایم ایس دھونی سے ملاقات کی ویڈیو شیئر کی ہے جو مداحوں میں خوب وائرل ہورہی ہے۔
گلوکار کے آفیشل انسٹاگرام اکاؤنٹ پر ان کی بھارتی کرکٹر ایم ایس دھونی سے ہونے والی ملاقات کی ایک ویڈیو اور چند تصاویر شیئر کی گئی ہیں۔ ویڈیو میں راحت خوشگوار انداز میں گفتگو کررہے ہیں جب کہ ایم ایس دھونی ان کی باتوں سے محظوظ ہورہے ہیں۔