سلمان خان کی فلم ’سکندر‘ کے ٹیزر نے ڈیجیٹل دنیا میں نیا ریکارڈ بنادیا

ممبئی: بالی ووڈ سپر اسٹار سلمان خان کی نئی فلم 'سکندر' کے ٹیزر نے ریلیز ہوتے ہی ڈیجیٹل دنیا میں تہلکہ مچا دیا۔ 

یوٹیوب پر ٹیزر نے صرف 24 گھنٹوں میں 48 ملین ویوز حاصل کیے، جو کہ ایک نیا ریکارڈ ہے، اور یہ دنیا بھر میں #1 پر ٹرینڈ کر رہا ہے۔ حیران کن طور پر، ٹیزر نے ہر گھنٹے 2 ملین ویوز کا سنگِ میل عبور کیا۔

ٹیزر کا آغاز سلمان خان کے دلکش اور پراسرار کردار 'سکندر' کی جھلک سے ہوتا ہے، جس میں ان کا پاورفل انداز اور بے مثال کرشمہ نظر آتا ہے۔ ایکشن سے بھرپور مناظر اور شاندار وژیولز نے مداحوں کو دیوانہ بنا دیا ہے، اور فلم کے لیے جوش و خروش کو نئی بلندیوں پر پہنچا دیا ہے۔