کراچی:
ائیروائس مارشل عامرحیات کودوبارہ پی آئی اے کا سربراہ مقررکردیا گیا۔
حکومت پاکستان نے ائیروائس مارشل عامر حیات کو دوبارہ سی ای او پی آئی اے تعینات کرنے کا نوٹی فکیشن جاری کردیا جس کے مطابق عامر حیات مستقل سی ای او کی تعیناتی تک قائم مقام سی ای او تعینات کیا گیا ہے۔
پی آئی اے کےبورڈ آف ڈائریکٹرز کی سفارش پرعامر حیات کو قائم مقام سی ای او مقرر کیا گیا ہے۔
واضح رہے کہ اس سے قبل قومی ائیرلائن میں خرم مشتاق قائم مقام سی ای اوپی آئی اے کی ذمہ داریاں نبھارہے تھے۔
اُدھر خرم مشتاق کو پی آئی اے کا چیف آپریٹنگ آفیسر مقرر کردیا گیا جبکہ چیف آف ٹریننگ اینڈ ڈویلپمنٹ کے طور پر انعام اللہ قریشی اپنی ذمہ داریاں نبھائیں گے۔
امان اللہ قریشی اس سےقبل قائم مقام سی اواو کی ذمہ داریاں بھی سنبھالے ہوئے تھے۔