بوسٹن: سابق چیئرمین سینیٹ و رکن بلوچستان اسمبلی صادق سنجرانی کی امریکا میں ٹانگ کی سرجری کرکے رگ میں موجود کلاٹ کو نکال دیا گیا۔
ایکسپریس نیوز کے مطابق صادق سنجرانی امریکا میں زیر علاج ہیں، بوسٹن میں ان کی ٹانگ کی کامیاب سرجری ہوئی ہے۔
اطلاعات کے مطابق صادق سنجرانی کی ٹانگ میں بڑی رگ میں بلڈ کلاٹ کی سرجری پاکستانی ڈاکٹرز نے کی، صادق سنجرانی کی بڑی رگ میں بلڈ کلاٹ کی تشخیص 2018ء میں ہوئی تھی۔
صادق سنجرانی کو ٹانگ میں شدید تکلیف تھی تاہم سرجری کے بعد اب انہیں اس درد سے نجات مل جائے گی۔
سابق چیئرمین سینیٹ صادق سنجرانی نے تہنتی پیغامات پر احباب کا شکریہ ادا کیا۔