سابق وزیر اعظم اور قائد عوام ذوالفقار علی بھٹو کا 97واں یوم پیدائش آج منایا جا رہا ہے، ملک بھر میں تقریبات منعقد کی جائیں گی۔
پاکستان کے ایٹمی پروگرام کا سنگ بنیاد رکھنے والے ذوالفقار علی بھٹو نے 5 جنوری 1928 کو لاڑکانہ میں آنکھ کھولی۔
ذوالفقار علی بھٹو 1971 سے 1973 تک پاکستان کے صدر رہے جبکہ انہیں ملک کے پہلے منتخب وزيراعظم ہونے کا اعزاز بھی حاصل ہے۔
سابق صدر ذوالفقار علی بھٹو کے یوم پیدائش کی مناسبت سے آج 3 بجے پیپلز سیکرٹیریٹ ماڈل ٹاؤن میں سیمینار اور کیک کاٹنے کی تقریب کا اہتمام کیا گیا ہے۔
ملک کے دیگر شہروں میں بھی تقریبات منعقد کی جائیں گی جس میں قائد عوام کو ملک کو ایٹمی طاقت بنانے پر خراج عقیدت پیش کیا جائے گا۔