فوری پیغام رسانی کی ایپلی کیشن واٹس ایپ اپنے صارفین کے لیے ایک نئے ریورس امیج سرچ فیچر پر کام کر رہی ہے اور اس نے آزمائش کے طور پر محدود صارفین تک رسائی دی ہے۔
اس فیچر کے ذریعے صارفین کسی بھی تصویر کو ایپ سے براہ راست گوگل پر اپ لوڈ کرکے اس کی اصلیت جان سکیں گے۔ یہ فیچر خاص طور پر جعلی یا گمراہ کن مواد کی شناخت بہتر بنانے کے لیے ترتیب دیا جا رہا ہے تاکہ صارفین شیئر کی گئی تصاویر کی سچائی کا اندازہ لگا سکیں اور مزید معلومات حاصل کر سکیں۔
واٹس ایپ پر ’امیج ریورس سرچ‘ فیچر کا ٹرائل شروع ہو چکا ہے اور اس سلسلے میں مخصوص صارفین کو اس تک رسائی بھی دی گئی ہے اس فیچر کے تحت صارفین جیسے ہی مطلوبہ تصویر پر کلک کریں گے ازخود موبائل یا ڈیسک ٹاپ پر ویب ورژن کھل جائے گا، جہاں تصویر سے ملتی جلتی دیگر تصاویر اور پوسٹیں بھی نظر آنے لگیں گی۔
اس فیچر کا مقصد موصول ہونے والی تصاویر کی تحقیق کرنا ہے تاکہ صارفین مزید معلومات حاصل کر موصول ہونے والی تصاویر کے بارے میں مکمل طور پر جان سکیں۔