رونالڈو اور اہلیہ کی عمرہ ادائیگی تصاویر کی حقیقت کیا ہے؟

سعودی فٹبال کلب الںصر کے معروف فٹبالر رونالڈو اور ان کی اہلیہ کی سعودی عرب کی انتہائی مقدس مقام کی زیارت کروانے کی تصاویر سوشل میڈیا پر تیزی سے وائرل ہوئی تھیں۔

ان تصاویر کا حقیقت سے کوئی تعلق نہیں بلکہ انھیں آرٹیفیشل انٹیلی جنس (اے آئی) سافٹ ویئرز کی مدد سے تیار کیا گیا تھا۔

اے آئی کی مدد سے تیار کردہ تصاویر میں رونالڈو کو اپنی اہلیہ کے ساتھ سعودی عرب کے مقدس مقامات کی زیارت کرتے دکھایا گیا تھا۔

فیکٹ چیک کے دوران ان تصاویر کی حقیقت سامنے آئی ہے کہ یہ محض ڈیپ فیک ٹیکنالوجی اور اے آئی کا کارنامہ ہے۔ 

واضح رہے کہ یہ تصاویر النصر فٹبال کلب کے سابق گول کیپر ولید عبداللہ کے بیان کے بعد وائرل ہوئی تھیں جس میں ان کا کہنا تھا کہ کرسٹیانو رونالڈو اسلام قبول کرنا چاہتے ہیں۔

جبکہ اس بات کے بھی اب تک کوئی شواہد نہیں ملے، نہ ہی پرتگالی فٹ بالر نے اب تک خود اسلام قبول کرنے یا نہ کرنے سے متعلق کوئی بیان دیا ہے۔