جنوبی افریقا کے کرکٹر ٹمبا باووما نے بطور کپتان ناقابل یقین ریکارڈ اپنے نام کرلیا۔
ٹمبا باوما نے بطورکپتان 2023 سے لے کر اب تک نو ٹیسٹ میچوں میں سے ٹیم کو آٹھ میچز میں فتوحات دلائی ہیں جبکہ ایک میچ ڈرا رہا۔
باوما نے پروٹیز کی قیادت کرتے ہوئے انفرادی طور پربھی اچھی کارکردگی کا مظاہرہ کیا، بطور کپتان انہوں نے 57.78 کی اوسط سے 809 رنز بنائے۔
ٹیمبا باوما کو فروری 2023 میں ڈین ایلگر کی جگہ جنوبی افریقا کا ٹیسٹ کپتان مقرر کیا گیا تھا۔
ٹمبا باوما نےاپنے مجموعی ٹیسٹ کیریئر میں 63 میچز میں حصہ لیا، انہوں نے 108 اننگز کھیل کر 3606 رنز بنائے، انکے ٹیسٹ کیریئر میں 4 سنچریاں اور 24 نصف سنچریاں شامل ہیں۔