بھارت کے مقبول ٹی وی ڈرامہ ’تارک مہتا کا اُلٹا چشمہ‘ کے معروف اداکار گروچرن سنگھ اسپتال میں داخل ہوگئے۔
بھارتی میڈیا کے مطابق مشہور اداکار گروچرن سنگھ، جو ’تارک مہتا کا اُلٹا چشمہ‘ میں روشن سنگھ سودھی کے کردار کے لیے جانے جاتے ہیں، صحت کے مسائل کے باعث اسپتال میں داخل ہو گئے ہیں۔
اداکار نے اسپتال کے بستر سے ایک ویڈیو شیئر کی جس میں اپنی صحت کے بارے میں مداحوں کو آگاہ کیا۔
گروچرن سنگھ نے کہا کہ ’حالت بہت زیادہ خراب ہو گئی ہے۔ گرو گوبند سنگھ مہاراج جی کے گُرپورب کی لاکھوں مبارکباد۔ ہم دیر سے آپ سے بات کر رہے ہیں کیونکہ ہماری طبیعت خراب تھی۔‘
انہوں نے مزید کہا ’چلو، رب رکھّا! صاحب سری گرو گوبند سنگھ مہاراج جی کے گُرپورب کی لاکھوں کروڑوں مبارکباد۔‘
ویڈیو پوسٹ کے کیپشن میں گروچرن نے لکھا کہ ’گرو گوبند سنگھ جی کے گُرپورب کے دن انہیں نئی زندگی ملی۔ انہوں نے شکریہ ادا کرتے ہوئے کہا کہ گرو صاحب کی مہربانی سے وہ آج زندہ ہیں‘۔اداکار نے مداحوں کا شکریہ ادا کرتے ہوئے دعا کی کہ واہگرو سب پر مہربان رہیں۔
یاد رہے کہ گروچرن سنگھ نے 2012 میں ’تارک مہتا کا اُلٹا چشمہ‘ چھوڑ دیا تھا اداکار کے مطابق شو کے پروڈیوسرز نے انہیں بغیر اطلاع دیے شو سے نکال دیا تھا۔