تارک مہتا کا اُلٹا چشمہ کے معروف اداکار اسپتال میں داخل، حالت کیسی ہے؟
’حالت بہت زیادہ خراب ہو گئی ہے‘
بھارت کے مقبول ٹی وی ڈرامہ ’تارک مہتا کا اُلٹا چشمہ‘ کے معروف اداکار گروچرن سنگھ اسپتال میں داخل ہوگئے۔
بھارتی میڈیا کے مطابق مشہور اداکار گروچرن سنگھ، جو ’تارک مہتا کا اُلٹا چشمہ‘ میں روشن سنگھ سودھی کے کردار کے لیے جانے جاتے ہیں، صحت کے مسائل کے باعث اسپتال میں داخل ہو گئے ہیں۔
اداکار نے اسپتال کے بستر سے ایک ویڈیو شیئر کی جس میں اپنی صحت کے بارے میں مداحوں کو آگاہ کیا۔
گروچرن سنگھ نے کہا کہ ’حالت بہت زیادہ خراب ہو گئی ہے۔ گرو گوبند سنگھ مہاراج جی کے گُرپورب کی لاکھوں مبارکباد۔ ہم دیر سے آپ سے بات کر رہے ہیں کیونکہ ہماری طبیعت خراب تھی۔‘