اننیا پانڈے کے امریکی ماڈل کے ساتھ تعلقات کے چرچے، اداکارہ نے شادی کا پلان بتا دیا

ایک حالیہ انٹرویو میں بھارتی میڈیا کے ادارے سے بات کرتے ہوئے اننیا نے اپنی ذاتی اور پیشہ ورانہ زندگی کے آئندہ پانچ سالہ منصوبے بیان کیے۔

 انہوں نے کہا، ’امید ہے کہ آنے والے 5 سالوں تک میں شادی شدہ ہوں گی، ایک خوشحال اور مستحکم گھر ہوگا، بچے پلان کر رہی ہوں گی اور بہت سے کتے بھی پالے ہوئے ہوں گے‘۔

اس سے قبل فلم فیئر سے گفتگو کے دوران اننیا نے طویل فاصلے کے تعلقات پر بھی اپنے خیالات کا اظہار کیا تھا جس سے بلانکو سے ان کے رشتے کی افواہیں مزید بڑھ گئیں تھیں۔ ان کا کہنا تھا، ’کبھی کبھار کچھ فاصلہ رکھنا صحت مند ہوتا ہے، 45 دن نہ ملنا اتنا برا نہیں۔ دوری دلوں کو قریب لاتی ہے۔‘

یاد رہے کہ اننیا بھارتی اداکار چنکی پانڈے کی بیٹی ہیں جن کی فلمیں ’کھو گئے ہم کہاں‘، ’کال می بے‘، اور ’کنٹرول‘ میں شاندار پرفارمنسز نے انہیں بالی ووڈ میں ایک الگ مقام دیا جبکہ وہ ماڈلنگ کیلئے بہترین تصور کی جاتی ہیں۔