بالی ووڈ اداکار رنبیر کپور نے ایک انٹرویو میں اپنی سابقہ گرل کے عجیب برتاؤ کا اظہار کرکے مداحوں کو تجسس میں مبتلا کردیا ہے۔
رنبیر کپور نے انکشاف کیا کہ ان کی ایک سابقہ گرل فرینڈ اپنے غصے کا اظہار غیر روایتی انداز میں کرتی تھی۔
انھوں نے بتایا کہ ان کی گرل فرینڈ براہِ راست چیخنے یا اس کا سامنا کرنے کے بجائے لمبے لمبے جذباتی خط لکھتی تھی۔ لڑائی سے نمٹنے کے اس نرالے انداز نے اداکار پر ایک دیرپا تاثر چھوڑا ور ان کے رشتے کی انفرادیت کو اجاگر کیا۔
فلم فیئر کے ایڈیٹر جتیش پلئی کے دیئے گئے ایک انٹرویو میں رنبیر نے انکشاف کیا تھا کہ جب بھی ان کا جھگڑا اپنی سابقہ گرل فرینڈ سے ہوتا تھا تو وہ غصے میں ان کے ایوارڈز کو توڑ دیتی تھی۔
اداکار نے اپنی سابقہ گرل فرینڈ کے اس غصے کو یاد کرتے ہوئے مزاحیہ انداز کہا کہ میں اسے کہتا ’’ارے وہ فلم فیئر ایوارڈ کو ہاتھ مت لگانا‘‘۔
انٹرویو میں رنبیر کپور نے نے واضح طور پر اپنی کسی سابقہ گرل فرینڈ کا نام نہیں لیا، لیکن ان کے پرانے معاشقوں کو دیکھتے ہوئے مداح یہ قیاس آرائیاں کررہے ہیں کہ وہ دیپیکا پڈوکون یا کترینہ کیف ہوسکتی ہیں، جو ان کے ماضی کے دو نمایاں رشتے ہیں۔
اس انکشاف نے مداحوں اور میڈیا کو تجسس میں ڈال دیا ہے، جس کے بعد سوشل میڈیا پر مختلف مباحثے ہورہے ہیں کہ ان کی سابق دوستوں میں سے کس کو غصے میں ایوارڈز توڑنے کی عادت تھی۔