سوناکشی سنہا نے حمل کی افواہوں پر خاموشی توڑ دی
پوسٹ نے مداحوں کو حیران کر دیا اور ان کے مزاحیہ انداز نے سب کو خوب محظوظ کی
ممبئی: مشہور بالی ووڈ اداکارہ سوناکشی سنہا نے اپنے حمل کی افواہوں پر دلچسپ انداز میں ردعمل دیا۔
سوناکشی نے افواہوں کو مسترد کرتے ہوئے اپنی نئی کاروباری کوشش 'ایزی موم' کا اعلان کیا، جو نئی ماؤں کے لیے پوسٹ میٹرنٹی کیئر میں معاون ہوگا۔
سوناکشی سنہا نے انسٹاگرام پر اپنی ایک پوسٹ میں کہا، "یہ کسی بچے کی بات نہیں ہے، بلکہ میرے نئے بچے یعنی برانڈ 'ایزی موم' کی بات ہے۔"
انہوں نے اپنی نئی برانڈ لانچ کی تصاویر اور ویڈیوز شیئر کرتے ہوئے مداحوں کو بتایا کہ یہ برانڈ نئی ماؤں کی مدد کے لیے بنایا گیا ہے، جو ماں بننے کے بعد کی مشکلات کو آسان کرے گا۔