پی ایس ایل 10 کی ڈرافٹنگ، کون سی ٹیم نے کس کھلاڑی کو خریدا؟

پی ایس ایل سیزن 10 کے پلیئرز ڈرافٹ کی تقریب کا انعقاد شاہی قلعہ میں کیا گیا جس میں چھ فرنچائزز نے اپنے اسٹارز پر مشتمل اسکواڈز کا انتخاب کیا۔

پلاٹینم کیٹیگری میں کراچی کنگز اور گلیڈی ایٹرز نے تین، تین کھلاڑیوں کا انتخاب کرلیا جبکہ دیگر چار فرنچائزز نے ایک ایک کھلاڑی کو منتخب کیا۔

پلاٹینم کیٹیگری

پلاٹینم کیٹیگری میں کراچی کنگز نے ڈیوڈ وارنر، ایڈم ملنے، عباس آفریدی کا انتخاب کرلیا۔ لاہور قلدرز نے پلاٹینم کیٹیگری میں ڈیرل مچل کا انتخاب کیا ہے۔

پشاور زلمی نے پلاٹینم کیٹیگری میں ٹام کوہلر کیڈمور کو رائٹ ٹو میچ کے ذریعے حاصل کرلیا۔ کوئٹہ گلیڈی ایٹرز نے فن ایلن، مارک چیپمین اور فہیم اشرف کا چناؤ کیا۔

ملتان سلطانز نے مائیکل بریسویل، اسلام آباد یونائیٹڈ نے میتھیو شورٹ کا انتخاب کیا ہے۔

مزید پڑھیں: پی ایس ایل 10: فرنچائزز نے برقرار رکھے جانے والے کھلاڑیوں کے ناموں کا اعلان کردیا

ڈائمنڈ کیٹیگری

ڈائمنڈ کیٹیگری میں خوشدل شاہ کراچی کنگز، کاربن بوش اور محمد علی پشاور زلمی، جیسن ہولڈر اسلام آباد یونائیٹڈ، کشال پریرا لاہور قلندرز کا حصہ بن گئے۔

گولڈ کیٹیگری

گولڈ کیٹیگری میں پشاور زلمی نے عبدالصمد (وائلڈ کارڈ)، ناہید رانا اور حسین طلعت، ملتان سلطانز نے محمد حسنین، اسلام آباد یونائیٹڈ نے بین دروش، کراچی کنگز نے عامر جمال، ملتان سلطانز نے کامران غلام کا انتخاب کرلیا۔

سلور کیٹیگری

سلور کیٹیگری میں ملتان سلطانز نے عاکف جاوید، طیب طاہر (رائٹ ٹو میچ)، گڈاکیش موتی ، جوش لٹل کا انتخاب کرلیا۔ کراچی کنگز نے میر حمزہ، لٹن داس کا انتخاب کرلیا۔

اسلام آباد یونائیٹڈ نے سلمان ارشاد، محمد نواز، اینڈریز گوس کا انتخاب کرلیا۔ لاہور قلندرز نے آصف آفریدی، آصف علی، رشاد حسین، محمد اخلاق کا انتخاب کرلیا۔

کوئٹہ گلیڈی ایٹرز نے خرم شہزاد، حسیب اللہ خان، کائل جیمیسن کا انتخاب کرلیا۔ پشاور زلمی نے احمد دانیال اور نجیب اللہ زدران کا انتخاب کرلیا۔

ایمرجنگ پلیئرز

ایمرجنگ پلیئرز میں کوئٹہ گلیڈی ایٹرز نے حسن نواز، محمد ذیشان، پشاور زلمی نے معاذ صداقت، ملتان سلطانز نے شاہد عزیز، عبید شاہ، اسلام آباد یونائیٹڈ نے سعد مسعود، حنین شاہ، لاہور قلندرز نے مومن قمر، محمد ازاب، کراچی کنگز نے ریاض اللہ، فواد علی کا انتخاب کرلیا۔

ایچ بی ایل پی ایس ایل کا تاریخی 10 واں ایڈیشن اس سال 8 اپریل سے 19 مئی کے درمیان منعقد ہوگا جس میں شرکت کیلئے کئی غیرملکی کھلاڑیوں نے رجسٹریشن کرائی ہے۔

مزید پڑھیں: پی ایس ایل10؛ مزید سرکردہ کھلاڑیوں نے ڈرافٹس میں اپنے نام درج کروادیے

پلاٹینیم کیٹیگری میں 40 غیر ملکی کھلاڑیوں کو شامل کیا گیا ہے جبکہ 6 غیر ملکی کھلاڑی صرف پلاٹینیم کیٹیگری میں ہی منتخب ہونے کیلئے دستیاب ہیں، دیگر کھلاڑی پلاٹینیم میں منتخب نہ ہونے کے بعد ڈائمنڈ اور گولڈ میں بھی دستیاب ہیں۔

ڈائمنڈ کیٹیگری میں 87 غیر ملکی کھلاڑی پی ایس ایل ڈرافٹ کیلئے دستیاب ہیں، گولڈ کیٹیگری میں 165 غیر ملکی کھلاڑی پی ایس ایل 10 ڈرافٹ کیلئے رجسٹر ہوئے ہیں۔