ٹیم کا انحصار، انجری سے دوچار صائم ایوب نے بڑا بیان جاری کردیا

قومی کرکٹ ٹیم کے اوپنر بلے باز صائم ایوب نے ایک ہی کھلاڑی پر انحصار کرنے کے حوالے سے اپنی رائے کا اظہار کیا ہے۔

لندن میں انجری سے نبرآزما صائم ایوب نے کہا کہ میں اس بات سے اتفاق نہیں کرتا کہ پوری ٹیم مجھ پر انحصار کرتی ہے۔

انہوں نے واضح کیا کہ یہ ممکن ہی نہیں کہ ایک کھلاڑی کی وجہ سے فتح حاصل ہو بلکہ میچ جیتنے کیلیے سارے کھلاڑیوں کا کردار ضروری ہوتا ہے۔

صائم نے کہا کہ میچ جیتنے کیلیے ہر کھلاڑی کو اپنا بہترین دینا ہوتا ہے۔

واضح رہے کہ جنوبی افریقا کے خلاف میچ کے دوران گھٹنے کی انجری کا شکار ہونے والے صائم ایوب ان دنوں لندن میں علاج کی غرض سے موجود ہیں۔

اچھی بات یہ ہے کہ ڈاکٹرز نے بتایا کہ انجری کے نتیجے میں اُن کا ٹخنہ محفوظ رہا ہے۔ طبیب نے انہیں پیر پر وزن ڈالنے کی بھی اجازت دے دی ہے۔