’’کون بنے گا کروڑ پتی‘‘ امیتابھ کل ایکسپریس انٹرٹینمنٹ پر جلوہ گرہونگے

ایکسپریس نے کروڑوں ناظرین کی خواہش پر بھارت کا نمبر1کوئزشو دکھانے کا اہتمام کیا ہے۔ فوٹو: فائل

---

لاہور: ایکسپریس انٹرٹینمنٹ پربالی وُڈ کے سپر اسٹار امیتابھ بچن مشہورِ زمانہ کوئز شو ''کون بنے گا کروڑ پتی'' کے ساتھ جلوہ گر ہو رہے ہیں اور اِس دفعہ اُن کا کہنا ہے کہ گیان یعنی ''علم ہی آپ کو آپ کا حق دلاتاہے'' ۔

زندگی سے بھرپوراِس منفرد اوردلچسپ شو کے قوانین بھی وہی ہیں اور سب سے بڑا انعام بھی وہی یعنی 5 کروڑ روپے۔ ''کون بنے گا کروڑ پتی'' بھارت کا نمبر1 کوئز شو ہے اورا سی لیے ایکسپریس انٹر ٹینمنٹ نے پاکستان میں اپنے کروڑوں ناظرین کی خواہشات کو مدِّ نظررکھتے ہوئے اِس شو کوایکسپریس انٹر ٹینمنٹ پر دکھانے کا اہتمام کیا ہے۔ یہ شو24ستمبر سے ہر پیر سے بدھ روزانہ رات 10بجے ایکسپریس انٹرٹینمنٹ پردکھایا جائے گا۔ ''کون بنے گا کروڑ پتی'' ہمیشہ اپنے ناظرین کے لیے ایک نئی سوچ لے کر آتا ہے۔ اس بار شو کا مقصد ناظرین کو یہ بتانا ہے کہ ''علم ہی آپ کو آپ کا حق دلاتاہے''۔