کراچی:
روسی ٹینس پلیئر ڈینیئل میڈویڈوف پر آسٹریلین اوپن کے پہلے راؤنڈ میں بدتمیزی کرنے پر 76 ہزار ڈالر جرمانہ عائد کر دیا گیا، وہ سیزن کے ابتدائی گرینڈ سلم کی انعامی رقم سے کٹوتی پر مجبور ہوں گے۔
انہوں نے پہلے راؤنڈ میں ریکٹ توڑنے سے قبل 5 بار نیٹ پر اسے مارا بھی تھا۔
روسی ٹینس پلیئر کو تھائی وائلڈ کارڈ پلیئر کیسیڈٹ سیمراج سے ناکامی کا خطرہ تھا، جس پر وہ وقتی طور پر غصے میں آپے سے باہر تھے۔
اس کے بعد دوسرے مرحلے میں انہوں نے امریکی حریف لیرنر ٹیان کے خلاف اپنا سامان سائیڈ لائن پر پھینک دیا تھا اور بعدازاں وہ میچ کے بعد میڈیا سے بات کرنے بھی نہیں آئے تھے۔
ان تمام معاملات کی وجہ سے انھیں جرمانے کی سزا دی گئی ہے۔