شتروگن سنہا کو سیف علی خان اور کرینہ کپور کی تصویر شیئر کرنے پر شدید تنقید کا سامنا

بالی ووڈ کے سینئر  اداکار شتروگھن حملے میں زخمی ہونے والے سنہا سیف علی خان اور ان کی اہلیہ کرینہ کپور کی آرٹیفیشل انٹیلیجنس (اے آئی) سے بنائی گئی تصویر پوسٹ کرنے پر تنقید کی زد میں آگئے۔ 

سیف علی خان سے اظہار ہمدردی اور ان کی صحتیابی کی دعا کیلئے بالی ووڈ کے فنکاروں کی جانب سے پیغامات کا سلسلہ جاری ہے فلمی شخصیات کی جانب سے سیف پر حملے کی مذمت کی جا رہی ہے تاہم ایسے میں شتروگن سنہا کو اس حملے کی مذمت کے دوران پوسٹ کی گئی تصویر پر سخت تنقید کا سامنا کرنا پڑ رہا ہے۔ 

شتروگن سنہا نے سوشل میڈیا پلیٹ فارم ایکس پر سیف علی خان پر حملے کی مذمت کرتے ہوئے عوام سے اپیل کی کہ الزامات لگانے کا سلسلہ بند کریں کیونکہ پولیس اس معاملے میں اچھا کام کر رہی ہے۔ 

ایکس پر اپنے پیغام میں انہوں نے سیف اور کرینہ کی ایک اے آئی تصویر بھی شیئر کی، جس میں سیف کو اسپتال کے بستر پر دکھایا گیا تھا۔ اس پر سوشل میڈیا صارفین نے شدید اعتراض کیا اور سینئر اداکار کو تنقید کا نشانہ بنا ڈالا، جس کے بعد شتروگن سنہا کو وہ تصویر ڈیلیٹ کرنا پڑ گئی۔

واضح رہے کہ سیف علی خان پر حملے کے الزام میں گرفتار ملزم نے اعتراف جرم بھی کرلیا ہے اور اسے کل عدالت میں پیش کئے جانے کا امکان ہے۔