چیمپئینز ٹرافی کے ٹکٹوں کے آن فروخت کرنیوالے ویب سائٹ کے زیادہ ٹریفک کے باعث سرورز جواب دے گئے۔
میڈیا رپورٹس کے مطابق پاکستان کی میزبانی میں ہونیوالے ایونٹ کی میزبانی کے ٹکٹوں کے فروخت کا سلسلہ شروع ہوگیا ہے، جس کیلئے فینز کی جانب سے ٹکٹوں کی خریداری میں غیر معمولی دلچسپی کا مظاہرہ دیکھا جارہا ہے۔
چیمپئینز ٹرافی ٹکٹوں کو فروخت کرنیوالی ٹکٹوں کی خریداری میں صارفین کو مشکلات کا سامنا ہے کیونکہ آن لائن فروخت کرنے والی ٹکٹس سائٹ کے سرورز بیٹھ گئے ہیں جس کے باعث ٹکٹوں کی خریداری کے عمل میں خلل پیدا ہوگیا ہے۔
مزید پڑھیں: چیمپئنز ٹرافی کے ٹکٹوں کی فروخت کل سے شروع ہوگی، قیمتیں سامنے آگئیں
خیال رہے کہ آئی سی سی چیمپئنز ٹرافی کے پاکستان میں ہونے والے میچز کے ٹکٹوں کی آن لائن فروخت آج سے شروع ہوئی ہے۔
آئی سی سی کے مطابق پاکستان میں شیڈول گروپ مرحلے کے میچوں اور دوسرے سیمی فائنل کے ٹکٹوں کی عام فروخت 28 جنوری بروز منگل سے شروع ہوگی۔
مزید پڑھیں: چیمپئنز ٹرافی 2025 میں بھارت کا وارم اپ میچ کس سے ہوگا؟
پاکستان میں ہونے والے گروپ اسٹیج مقابلے اور دوسرے سیمی فائنل کے ٹکٹس پاکستانی وقت کے مطابق دوپہر 2 بجے سے فروخت ہونا تھے۔
کراچی، لاہور اور راولپنڈی میں ہونے والے 10 میچوں سمیت مختلف کیٹیگریز میں جنرل اسٹینڈ ٹکٹ کی قیمت 1000 پاکستانی روپے سے شروع ہوگی۔
چیمپئنز ٹرافی کا انعقاد پاکستان میں 19 فروری سے 9مارچ تک ہوگا جب کہ بھارت کے میچز یو اے ای میں کھیلے جائیں گے۔
مزید پڑھیں: چیمپئینز ٹرافی؛ اوپننگ کیلئے فخر اور شان کی جوڑی مضبوط دعویدار بن گئی
دوسری جانب روایتی حریف پاکستان اور بھارت کے درمیان دبئی میں کھیلے جانے والے میچ کے ٹکٹوں کی فروخت کا اعلان بعد میں کیا جائے گا۔ شائقین پی سی بی، آئی سی سی اور نجی کوریئر کمپنی کی ویب سائٹ پر آن لائن ٹکٹ خرید سکتے ہیں۔
