گزشتہ 2 روز کے دوران سونے کی قیمت میں کمی کے بعد آج عالمی اور مقامی قیمتوں میں بڑا اضافہ ریکارڈ کیا گیا۔
رپورٹ کے مطابق بین الاقوامی بلین مارکیٹ میں فی اونس سونے کی قیمت 22ڈالر کے اضافے سے 2763ڈالر کی سطح پر آگئی۔
آل پاکستان صرافہ جیمز اینڈ جیولرز ایسوسی ایشن کے مطابق ملکی سطح پر فی تولہ سونے کی قیمت 2300 روپے بڑھ کر 2 لاکھ 88 ہزار 700 روپے کی سطح پر آگئی۔
اس کے علاوہ فی دس گرام سونے کی قیمت 1972روپے بڑھ کر 247513روپے کی سطح پر ریکارڈ کی گئی۔