’’لڑکی والوں نے رشتے کیلیے بھکاری بننے کی شرط رکھی‘‘ بہروپیے کی ویڈیو سامنے آگئی

پولیس نے ایک بہروپیے کو گرفتار کرلیا، جس نے بتایا کہ لڑکی والوں نے رشتہ دینے کے لیے بھکاری بننے کی شرط رکھی تھی۔

ایکسپریس نیوز کے مطابق معذوری کا بہانہ بنا کر شاہراہوں پر بھیک مانگنے والے ایک بھکاری کو گرفتار  کرلیا گیا، جس نے پولیس کو بتایا کہ لڑکی والوں نے کہا ’’لڑکا بھیک مانگتا ہوگا تو رشتہ دیں گے۔

پولیس نے بھکاری کو رینگتے ہوئے رنگے ہاتھوں پکڑ کر مقدمہ درج کرلیا۔ اہل کاروں نے بتایا کہ بھکاری علی حسن کو باٹا پور کے قریب شاہراہ سے پکڑا گیا، جو معذور بننے کا  روپ دھار کر شہریوں سے بھیگ مانگتا تھا۔

ملزم بھکاری کے خلاف گداگری ایکٹ کا مقدمہ درج کیا گیا ہے۔