ایک نئی تحقیق سے پتہ چلتا ہے کہ ٹائپ 2 ذیابیطس والے لوگوں میں ضروری وٹامنز یا معدنیات کی کم سطح عام ہوتی ہے۔
محققین نے بی ایم جے نیوٹریشن، پریوینشن اینڈ ہیلتھ جریدے میں رپورٹ کیا کہ مجموعی طور پر ٹائپ 2 ذیابیطس کے 45 فیصد مریض وٹامنز، منرلز اور الیکٹرولائٹس کی متعدد کمیوں کا شکار ہیں۔
جے پور، انڈیا میں انٹرنیشنل انسٹی ٹیوٹ آف ہیلتھ مینجمنٹ ریسرچ کے ایک پروفیسر، ڈاکٹر دیا کرشن منگل نے کہا کہ یہ مطالعہ ذیابیطس کے مریضوں میں غذائی قلت کے دوہرے بوجھ کو ظاہر کرتا ہے۔ وہ لوگ جو اپنی ذیابیطس پر خوراک کے ذریعے قابو پانے کی کوشش کرتے ہیں، غذائیت کی کمی کا بھی شکار ہو جاتے ہیں۔
شواہد کے لیے، محققین نے 1998 اور 2023 کے درمیان 52,500 سے زیادہ شرکا پر مشتمل 132 سابق مطالعات کے نتائج کو اکٹھا کیا۔
محققین نے پایا کہ ٹائپ 2 ذیابیطس والے 60 فیصد سے زیادہ مریضوں میں وٹامن ڈی کی بہت کم سطح سب سے زیادہ عام تھی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔