کراچی میں سردی سے متعلق محکمہ موسمیات کی نئی پیشگوئی

شہر قائد میں پھر سے سرد ہوائیں چلنے کے بعد محکمہ موسمیات نے نئی پیش گوئی کی ہے۔

محکمہ موسمیات کے مطابق آئندہ 24 گھنٹوں کے دوران موسم خشک اور خنک رہنے کا امکان ہے۔

شہر میں شمال مغرب سمت سے ہواٸیں چل سکتی ہیں جبکہ ہوا میں نمی کا تناسب 39 فیصد رہنے کا امکان ہے۔

کراچی کا کم سے کم درجہ حرارت 13.5 ڈگری سینٹی گریڈ رکارڈ کیا گیا جبکہ زیادہ سے زیادہ درجہ حرارت 25 سے 27 ڈگری سینٹی گریڈ تک رہنے کا امکان ہے۔

واضح رہے کہ کراچی میں سرد ہوائیں تھمنے سے دن اور رات کا درجہ حرارت بڑھنے لگا تھا۔