امریکا میں پہلی بار لاٹری کا ٹکٹ خریدنے والی خاتون نے ڈیڑھ لاکھ ڈالر کا انعام جیت لیا۔
امریکی ریاست نارتھ کیرولائنا کے علاقے ہرڈل ملز سے تعلق رکھنے والی سڈنی ڈیوس نے بتایا کہ وہ علاقے کے ایک اسٹور پر گئیں اور زندگی کا پہلا پاور بال ٹکٹ خریدا۔
ٹکٹ پر موجود چار ہندسے (وائٹ بالز) اور ریڈ پاور بال بدھ کے روز ہونے والی قرعہ اندازی میں میچ ہوگئیں جس سے انہوں بنے 50 ہزار ڈالر کا انعام جیتا۔ چونکہ انہوں نے پاور پلے اور 3 ایکس آپشن کا انتخاب کیا تھا اس لیے ان کا انعام تین گُنا بڑھ کر ڈیڑھ لاکھ ڈالر بن گیا۔
سڈنی ڈیوس کا کہنا تھا کہ انہیں اس متعلق یقین نہیں آ سکا۔ انہوں نے ایسا پہلے کبھی نہیں کیا تھا۔ وہ خاص طور پر اس لیے حیران تھیں کہ انہوں نے کبھی لاٹری نہیں کھیلی تھی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔