بالی وڈ اداکار جیدیپ اہلاوت نے بالی ووڈ میں اقربا پروری کے موضوع پر بات کی ہے اور اس بات پر زور دیا ہے کہ اسٹار کڈز کی زندگی ہمیشہ آسان نہیں ہوتی۔
انہوں نے اداکارہ عالیہ بھٹ کا دفاع کرتے ہوئے کہا کہ وہ ایک شاندار اداکارہ ہیں اور انہیں اپنے خاندان کی وجہ سے بہت تنقید کا سامنا کرنا پڑتا ہے۔
جیدیپ اہلاوت نے کہا، "اسٹار کڈز کو فلمی دنیا میں بڑا فائدہ ملتا ہے، لیکن اس کا یہ مطلب نہیں کہ ان کی زندگی میں مشکلات نہیں ہیں۔ عالیہ جیسی شاندار اداکارہ کو بھی 'نیپو کڈ' کے طور پر ہر دن تنقید کا سامنا کرنا پڑتا ہے، اور یہ بہت عجیب محسوس ہوتا ہوگا۔"
انہوں نے اس بات کو مزید واضح کیا کہ کسی کی پیدائش کو اس کے خلاف استعمال کرنا غیر منصفانہ ہے۔
انہوں نے کہا، "اگر ایک بچہ ڈاکٹر کے خاندان میں پیدا ہوتا ہے اور لوگ اسے ہر دن یہی کہتے ہیں کہ 'تم ڈاکٹر بنو گے کیونکہ تم ڈاکٹر کے بچے ہو'، تو وہ بچہ پریشان نہیں ہوگا؟ یہ اس کا قصور نہیں ہے کہ وہ ایسے خاندان میں پیدا ہوا۔"
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔