چیئرمین ایف بی آر راشد محمود لنگڑیال نے کہا ہے کہ ٹیکسوں میں کمی ٹیکس جی ڈی پی تناسب بہترہونے سے ہی آئیگی، اس کیلیے ٹیکس بیس بڑھانے کی ضرورت ہے۔
نجی ٹی وی سے گفتگو میں انھوں نے کہا کہ تاثر عام ہے کہ نمو کے فوائد عام آدمی تک نہیں پہنچتے، حکومت کی سطح پربھی یہ احساس موجود ہے مگر یہ دیکھنا پڑتا ہے کہ نموکی طرف جاتے ہوئے اس کی رفتار کیا رکھی جائے۔
ہمارا المیہ یہ ہے کہ جنھیں ٹیکس ادا کرناچاہیے، وہ نہیں کرتے، ہم ایف بی آر میں یہ صلاحیت بھی پیدا نہیں کر سکے کہ ان سے ٹیکس وصول کرے، اس لئے ہم غلط سائیڈ پر جا چکے ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔