بالی ووڈ اور ہالی ووڈ کی اداکارہ و ماڈل پریانکا چوپڑا نے ضرورت مند کی مدد کر کے مداحوں کا دل جیت لیا۔
پریانکا حال ہی میں اپنے بھائی کی شادی کے ختم ہونے کے بعد واپس امریکہ روانگی کیلئے ممبئی پہنچیں ہیں جہاں پاپرازی نے ان کی تصاویر اور ویڈیوز بنائیں۔
یہ ویڈیوز سوشل میڈیا پر وائرل ہو رہی ہیں جس میں سے ایک ویڈیو نے سوشل میڈیا صارفین کی توجہ اپنی جانب سمیٹ لی ہے۔
اس ویڈیو میں دیکھا جا سکتا ہے کہ اداکارہ اپنی گاڑی میں بیٹھ کر روانہ ہوجاتی ہیں تاہم ان کی گاڑی سگنل پر رُکتی ہے جہاں پریانکا کھڑکی سے ہاتھ باہر نکال کر ایک فقیر کو پیسے دیتی دکھائی دے رہی ہیں۔
پریانکا کے اس عمل پر سوشل میڈیا صارفین اور اداکارہ کے مداحوں کی جانب سے انہیں خوب سراہا جارہا ہے اور ضرورت مند کی مدد کرنے پر لوگ اداکارہ کی دریا دلی پر ان کی تعریف کر رہے ہیں۔
یاد رہے کہ پریانکا چوپڑا جلد ہی فلم SSMB 29 میں مہیش بابو کے ساتھ اداکاری کے جوہر دکھاتی نظر آئیں گی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔