چیمپئنز ٹرافی 2025: قذافی اسٹیڈیم پاکستان کا سب سے بڑا کرکٹ گراؤنڈ بن گیا۔
پاکستان کرکٹ بورڈ (پی سی بی) نے یقین دہانی کرائی ہے کہ چیمپئنز ٹرافی کے لیے اسٹیڈیمز مکمل طور پر تیار ہیں اور اس نے میڈیا کو لاہور اور کراچی کے اسٹیڈیم کے دورے کی دعوت دی۔
8ٹیموں پر مشتمل، 50 اوور کا یہ پہلا عالمی کرکٹ ٹورنامنٹ ہوگا جو 28 سال بعد میں پاکستان میں منعقد ہو رہا ہے تاہم بھارت اپنے تمام میچ دبئی میں کھیلے گا۔
ٹورنامنٹ کے لیے لاہور، کراچی اور راولپنڈی کے اسٹیڈیمز کو اپ گریڈ کیا گیا ہے جبکہ ایونٹ کی کامیاب میزبانی پاکستان میں مزید بین الاقوامی مقابلوں کے انعقاد کا دروازہ کھول سکتی ہے۔
یہ میگا ایونٹ 2009 میں سری لنکن کرکٹ ٹیم پر حملے کے بعد غیر محفوظ سمجھے جانے جانے والے ملک کو محفوظ قرار دیے جانے کے منعقد ہو رہا ہے۔
پی سی بی کے ترجمان سمیع الحسن نے کہا کہ ہم لاہور کے قذافی اسٹیڈیم کی تزئین و آرائش اور اپ گریڈیشن کر رہے ہیں۔
انہوں نے کہا کہ قذافی اسٹیڈیم مکمل طور پر تیار ہوگا اور 22 فروری کو آسٹریلیا اور انگلینڈ کے درمیان چیمپئنز ٹرافی کے میچ کی میزبانی کرے گا۔
تیاریوں کے دوران قذافی اسٹیڈیم کی گنجائش کو بڑھا کر 35 ہزار کر دیا گیا ہے جس میں مزید شائقین کے بیٹھنے کے لیے نئے پویلینز بنائے گئے ہیں۔
358 ہزار کی گنجائش کے ساتھ یہ اسٹیڈیم پاکستان کا سب سے بڑا کرکٹ وینیو بن گیا ہے۔
تمام تر تیاریوں کے ساتھ پی سی بی کو یقین ہے کہ لاہور، کراچی اور راولپنڈی اسٹیڈیم بین الاقوامی معیار پر پورا اتریں گے اور بڑے عالمی کرکٹ ایونٹس کی میزبانی کریں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔