بالی ووڈ کے بہترین اداکاروں کی بات کی جائے تو جان ابراہم کا نام اس فہرست میں سب سے اوپر آتا ہے۔ جان وہ اداکار ہیں جنہوں نے انڈسٹری میں کئی سالوں سے اپنی جسمانی ساخت کو برقرار رکھا ہے۔
حال ہی میں جان ابراہم نے انکشاف کیا ہے کہ انہوں نے پچھلے 35 سالوں میں کبھی چینی کو چکھا تک نہیں ہے اور نہ ہی اتنے سالوں میں کبھی اپنا جِم سیشن چھوڑا ہے۔
اداکار نے مزید کہا کہ خود کی دیکھ بھال ان کا حقیقی مذہب ہے۔ ہالی ووڈ رپورٹر کے ساتھ بات چیت میں انہوں نے کہا کہ ان کے مطابق جسم ایک مندر ہے جس کی پرورش اور دیکھ بھال کرنا بےحد ضروری ہے۔
جان ابراہم نے اس انٹرویو میں یہ بھی انکشاف کیا کہ وہ میگرین کے عارضے میں مبتلا ہیں اور جب انہیں یہ درد ہوتا ہے تو وہ جِم میں ہلکا پھلکا فٹنس سیشن لیتے ہیں مگر کبھی اسے مِس نہیں کرتے اور یہی ان کی فٹنس کا راز ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔