آئی سی سی چیمپئنز ٹرافی کے بعد بھارتی ٹیم کے کپتان روہت شرما اور ویرات کوہلی کی ریٹائرمنٹ کی خبریں گردش کر رہی ہیں لیکن بھارتی ٹیم کے نائب کپتان شبھمن گل نے ان افواہوں کو رد کر دیا۔
بھارتی ٹیم کے نائب کپتان شبھمن گل نے آئی سی سی چیمپئنز ٹرافی فائنل سے قبل ہفتے کے روز پری میچ پریس کانفرنس میں میڈیا سے گفتگو کی۔
گفتگو میں ان کا کہنا تھا کہ ابھی ڈریسنگ روم میں ریٹائرمنٹ کے حوالے سے کوئی بات نہیں کی گئی ہے۔
مزید پڑھیں: سارہ ٹنڈولکر کے بعد شبمن کا نام کس کیساتھ جوڑا جارہا ہے؟
شبھمن گل نے خود کو بہترین بیٹنگ لائن اپ کا حصہ ہونے پر خوش قسمت محسوس کرتے ہوئے کہا کہ ٹیم کی بیٹنگ لائن میں گہرائی ٹاپ تھری بلے بازوں کو آزادانہ کھیلنے کی اجازت دیتی ہے۔
انہوں نے کہا کہ ٹیم انڈیا فائنل کے لیے پُر جوش ہے۔ پچھلی بار 50 اوور ورلڈ کپ 2023 میں وہ جیت نہیں سکی تھی لیکن اس بار جیتنے کے لیے پُر عزم ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔