ابھرتی ہوئی اداکارہ اور ماڈل مومنہ اقبال کی ویڈیو وائرل ہوئی ہے جس میں انھوں نے بتایا کہ خواجہ سرا ہونے کی وجہ سے مجھے گھر سے نکال دیا گیا تھا۔
مومنہ اقبال سے منسوب اس وائرل ویڈیو کو شوبز اور صحافت کے شعبے سے جڑے افراد نے بھی شیئر کیا تھا۔
تاہم جب اس ویڈیو کی حقیقت جاننے کے لیے اس کا تجزیہ کیا گیا تو پتا چلا کہ یہ ویڈیو دانستہ طور پر ایڈٹ کی گئی ہے۔
یہ ویڈیو مومنہ اقبال کے 29 اگست 2022 کو ایک یوٹیوب چینل کے ایک انٹرویو کا حصہ ہے۔ یہ مکمل انٹرویو اب بھی آن لائن Fuchsia Magazine کے یوٹیوب چینل پر موجود ہے۔
مومنہ اقبال کے اس اوریجنل انٹرویو کو مکمل طور پر دیکھا جائے تو کہیں بھی مومنہ اقبال نے خواجہ سرا ہونے یا گھر سے نکالے جانے کا انکشاف نہیں کیا تھا۔
اس مکمل انٹرویو کو دیکھے جانے کے بعد پتا چلتا ہے کہ اس کے ایک حصے کو ایڈٹ کرکے شرپسندوں نے سوشل میڈیا پر وائرل کیا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔