پیدائشی دل کی خرابی مستقبل میں کینسر کا باعث بن سکتی ہے، ماہرین

ایک نئی تحقیق سے یہ بات سامنے آئی ہے کہ دل کی خرابی والے نوزائیدہ بچوں کو مستقبل میں کینسر ہونے کا خطرہ ہو سکتا ہے۔

محققین نے جریدے سرکولیشن میں رپورٹ کیا کہ پیدائش کے وقت دل کی خرابیوں والے بچوں میں کینسر ہونے کا خطرہ زیادہ ہوتا ہے، ان بچوں کے مقابلے میں جن میں دل کی خرابی نہیں ہوتی۔

محققین کا کہنا ہے کہ صحت مند دل کے ساتھ پیدا ہونے والے بچوں کے مقابلے میں پیدائشی دل کی خرابی والے نوزائیدہ بچوں میں کینسر کا خطرہ 66 فیصد زیادہ ہوتا ہے۔

مزید برآں کینسر کا خطرہ دل کی خرابیوں والے اُن نوزائیدہ بچوں میں دُگنے سے زیادہ پایا گیا جس کے مسائل کا تعلق خون کی شریانیں یا دل کے والوز سے تھا۔

اسی طرح یہ خطرہ اُن بچوں میں اور زیادہ بڑھتا ہوا دکھائی دیا جن مں دل کے سنگین مسائل موجود تھے۔