سورج کے قریب ترین ایک ستارہ موجود ہے جسے برنارڈ ستارہ کہا جاتا ہے اور سائنسدانوں نے پایا کہ اس کے مدار میں ایک سے زیادہ سیارے ہیں۔
سرخ بونا ستارہ جو زمین سے تقریباً چھ نوری سال کی دوری پر ہے، اس میں چار سیارے ہیں جن میں سے ہر ایک مریخ کی کمیت سے دو سے تین گنا زیادہ ہے۔
شکاگو یونیورسٹی کے ماہر فلکیات ریتوک بسنت نے کہا کہ برنارڈ ستارے کے سگنلز کا پتہ لگانے کی ایک طویل تاریخ ہے لیکن ان میں سے کسی کی بھی تصدیق نہیں ہو سکی تھی۔ کیونکہ یہ جاننا دلچسپی رکھتا ہے کہ قریب ترین ستاروں کے گرد کیا گردش کر رہا ہے۔
2021 سے 2023 تک، ریتوک اور اس کے ساتھیوں نے ہوائی میں جیمنی نارتھ دوربین پر مارون-ایکس سپیکٹروگراف کا استعمال کرتے ہوئے 112 بار برنارڈ ستارے کا مشاہدہ کیا۔
ریتوک نے کہا کہ میں نے ڈیٹا سیٹ میں سگنل دیکھنے شروع کیے تھے لیکن چونکہ ہم ابھی بھی آلہ کیلیبریٹ کر رہے تھے، اس لیے ہم نے اسے نظر انداز کر دیا۔
گزشتہ اکتوبر میں، چلی میں ایک ٹیلی سکوپ پر ESPRESSO سپیکٹروگراف کا استعمال کرنے والی ایک ٹیم نے برنارڈ ستارے کے گرد ایک سیارے کے گردش کرنے کے شواہد کی اطلاع دی جسے صرف b کا نام دیا گیا اور تین دیگر کے صرف اشارے ملے۔
ان اشاروں کو ذہن میں رکھتے ہوئے، ریتوک اور ساتھیوں نے اپنے ڈیٹا کا دوبارہ جائزہ لیا جس سے تین دیگر سیاروں کی تصدیق ہوئی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔