واٹس ایپ صارفین کے لیے اہم فیچر میں تبدیلی کرنے جا رہا ہے

انسٹنٹ میسجنگ ایپلی کیشن واٹس ایپ نے پلیٹ فارم پر اسپیم کو کم کرنے کی غرض سے انفرادی اور کاروباری صارفین کے لیے براڈکاسٹ میسجز کی تعداد کو محدود کرنے کا اعلان کر دیا۔

آئندہ ہفتوں میں کمپنی انفرادی براڈکاسٹ میسجز کو محدود کرنے کے حوالے سے آزمائش کا آغاز کرے گی۔ حدود قائم کرنے کے بعد پلیٹ فارم براڈکاسٹ کی تعداد پر ماہانہ حد عائد کرے گا۔

آزمائش کے دوران یہ تعداد بدلتی رہے گی لیکن میٹا کی جانب سے دی جانےو الی ایک مثال کے مطابق ہر مہینے یہ تعداد 30 میسجز کی ہوگی۔

میٹا کا کہنا تھا کہ اگر انفرادی صارفین زیادہ لوگوں کو مزید پیغامات بھیجنا چاہتے ہیں تو وہ اسٹیٹس اپ ڈیٹس یا چینلز کا فیچر استعمال کر سکتے ہیں۔