دنیا کی پستہ قد بکری نے ریکارڈ بنا دیا

بھارت کی 1 فٹ اور 3 انچز قد کی ایک بکری نے پستہ قد بکری کا گینیز ورلڈ ریکارڈ قائم کر دیا۔

چار سال کی سیاہ پِگمی بکری کرومبی کا تعلق بھارتی ریاست کیرالا سے ہے۔ کسان پیٹر لینو کا کہنا تھا کہ اس کو علم نہیں تھا کہ ان کی بکری ریکارڈ بنا دے گی۔ اس بات کی نشان دہی فارم پر آئے ایک شخص نے کی۔

بعد ازاں انہوں نے جانوروں کے ڈاکٹر سے بکری کے قد کی پیمائش کرائی جس سے معلوم ہوا کہ بکری کا قد 1 فٹ اور 3 انچ ہے۔

پیٹر نے گینیز ورلڈ ریکارڈز سے گفتگو کرتے ہوئے کہا کہ وہ اپنے پاس موجود تمام جانوروں کے جینیات کے معیار کو برقرار رکھنے کی بھرپور کوشش کرتے ہیں۔