ایک تحقیق میں بتایا گیا ہے کہ کم کیلوری کے حامل مشروبات اور کیچپ میں استعمال ہونے والا چینی کا متبادل ہمارے دماغ کو ممکنہ طور پر زیادہ کھانا کھانے کا جھانسہ دے رہا ہے۔
یونیورسٹی آف سدرن کیلیفورنیا کے سائنس دانوں کو ایک تحقیق میں معلوم ہوا کہ کیلوری سے پاک سوئٹنر دماغ کے ان حصوں فعال کر دیتی ہے جس کا تعلق بھوک سے ہوتا ہے۔
سائنس دانوں کا کہنا تھا کہ شوگر فری متبادل دماغ کو کنفیوژ کر دیتے ہیں اور دماغ کبھی نہ آنے والے اضافی کیلوریز کی توقع کرتا ہے۔
75 افراد پر کیے جانے والے تجربے میں ماہرین کو علم ہوا کہ یہ کیفیت مٹاپے کا شکار افراد میں زیادہ واضح تھی۔
تحقیق کی مصنفہ ڈاکٹر کیتھلین ایلانا پیج کا کہنا تھا کہ سوئیٹنر دماغ میں ایک ’مس میچ‘ تشکیل دیتا ہے۔ اگر آپ کا جسم مٹھاس کی وجہ سے کیلوری کی توقع کرتا ہے لیکن اس کو حاصل نہیں کرتا۔ ایسا ہونے سے وقت کے ساتھ دماغ کی طلب کے طریقے کو بدل سکتا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔