’’رب ذوالجلال کا احسان – پاکستان‘‘ کی پروقار تقریب کل 28 مارچ 2025 کو جناح کنونشن سینٹر اسلام آباد میں منعقد ہوگی۔
تقریب کا انعقاد جمعتہ الوداع بالخصوص رمضان المبارک کی27ویں شب کی مناسبت سے کیا جا رہا ہے۔ پاکستان کا قیام لیلتہ القدر، جمعتہ الوداع، ماہ رمضان المبارک 1366ھ بمطابق 14 اگست 1947 کو وجود میں آیا۔
تقریب میں اس دن کی خصوصی اہمیت کو بھرپور انداز میں اُجاگر کیا جائے گا جس میں پاکستان بھر سے تمام مکاتب فکر سے تعلق رکھنے والے لوگ شرکت کریں گے۔
وزیر اعظم پاکستان جناب محمد شہباز شریف تقریب کے مہمان خصوصی ہوں گے، تقریب سے وزیر اعظم پاکستان خطاب بھی فرمائیں گے۔
وفاقی دارالحکومت اسلام آباد سمیت تمام صوبوں میں ملک کی سلامتی کے لیے خصوصی دعاؤں کا اہتمام بھی کیا جائے گا جبکہ فیصل مسجد اسلام آباد میں 27 رمضان المبارک بعد از نمازِ تراویح مرکزی دعائیہ تقریب بھی ہوگی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔